• Басты
  • ШОБ өсімі арқасында ШҚО-да 11 мыңнан астам жаңа жұмыс орны құрылған

ШОБ өсімі арқасында ШҚО-да 11 мыңнан астам жаңа жұмыс орны құрылған

19 Қаңтар, 2016 19:56
Шығыс Қазақстан облысында шағын және орта бизнес өсімінің көрсеткіштері экономиканың осы саласын қолдауға арналған мемлекеттік бағдарламалардың сәтті іске асырылуымен тікелей байланысты. 2015 жылы жұмыс істеп тұрған ШОБ субъектілерінің саны 342-ге көбейіп, 99 мыңға жетті, деп хабарлады ШҚО ақпараттық орталығы.

Өткен жылы Шығыс Қазақстан облысында  шағын және орта бизнес кәсіпорындарының саны 8237 кәсіпорынды құрады. Бұл 11,2 мың жаңа жұмыс орнының құрылуына, былтырғы жылдың соңғы 9 айында өнім өндіру көлемі 380,4 млрд. теңгеге жетуіне арқау болды.

«Бизнестің жол картасы - 2020» бағдарламасын іске асырғалы бері облыста сыйақы мөлшерлемесін субсидиялау бойынша 625 жоба қолдауға ие болды. «Даму» қоры жалпы несие қоржыны 94,2 млрд. теңгені құрайтын 543 келісімге қол қойған. Аталған келісім бойынша 8,1 млрд. теңге субсидияға төленді.

Бағдарлама шеңберінде 2015 жылы оқыту курстарына 5 мыңнан астам ісін жаңадан бастаған және жұмыс жасап жүрген кәсіпкерлер қатысты.

Сондай-ақ, 2015 жылы 4,3 млрд. теңгеге 132 өтініш қабылданып, 116 келісімге қол қойылды. Ол келісімдер бойынша 1,6 млрд. теңгеге субсидия төленді. Ауылды жерлерде кәсіпкерлікті дамыту үшін былтырғы жылы 1,5 млрд. теңге бөлінген. 600 адам шағын несие алып, 742 жаңа жұмыс орнының ашылуына үлес қосты.

ШОБ-ті қолдау Бағдарламасы бойынша қайта өңдеу өнеркәсібінде жалпы құны 5 965 млн. теңгені құрайтын 56 жоба іске асырылуда. Қаржыландыру 2015 жылы Мемлекет басшысының тапсырмасы бойынша Ұлттық қор қаражатынан жүзеге асырылды. Қаржы құрылыс гипсін, тауарлы бетон, ағаш құрылыс құрастырылымын және азық-түлік өндіруге бағытталған жобаларға бөлінді.

Айта кету керек, аймақта автобөлшектерді шығару саласында шағын және орта бизнесті біріктіру үшін, облыс әкімі Даниал Ахметовтың тапсырмасына сәйкес автомобиль кластерін дамыту бойынша шеберлік жоспар әзірленді. Бүгінгі таңда оны іске асыру үшін жол картасын дайындау жұмыстары жүргізілуде.

Барлық жаңалықтар