Қазақстанның медициналық ұйымдары тұмаумен сырқаттанған адамдарды емдеуге қажетті барлық қажетті құралдармен жабдықталған

19 Қаңтар, 2016 15:49

Бүгінгі таңда Қазақстанның медициналық ұйымдары қажетті дәрі-дәрмектер, жабдықтар, вирусқа қарсы дәрілердің кемімейтін қоры мен залалсыздандыру құралдары, сондай-ақ, жеке қорғану құралдарының (респираторлар, маскалар) артық қорымен қамтамасыз етілген.

«Республиканың 19 жұқпалы аурулар емханасында ауруларға медициналық көмек көрсету мақсатында 6277 аурухана төсегі қарастырылған», - делінген Денсаулық сақтау және әлеуметтік даму министрлігінде.

ҚР ҰЭМ Тұтынушылар құқығын қорғау комитетінің мәліметі бойынша, 2016 жылдың 15 қаңтарындағы ақпаратқа сәйкес, эпидемиологиялық маусымның басынан бастап (2015 жылдың 1 қазанынан) 270 тұмаудың зертханалық дәлелденген жағдайы мен 229-дан астам ЖРВИ тіркелген. Сырқаттанған адамдардың басым бөлігі 14 жасқа дейінгі балалар. Бұл жалпы көрсеткіштің 70%-ын құрайды.

«Мониторинг нәтижесі бойынша елімізде тұмау мен ЖРВИ бойынша эпидемиологиялық жағдай тұрақты. Бақылау көрсеткіштері шамадан шыққан жоқ. Өткен жылғы кезеңмен салыстырғанда, аталған аурумен сырқаттану 13%-ға төмендеген», - делінген хабарламада.

Қазақстанда аурудың алдын алу мақсатында эпидемиологиялық маусым басталмай тұрып тұмауға қарсы вакциналау жүргізілетінін атап айту керек. 2015 жылғы қазан мен қараша айларының аралығында 1 млн. 700 мың адам, оның ішінде жалпы республика тұрғындарының 10%-ын құрайтын осал топ өкілдері (созылмалы өкпе, жүрек-қантамырлық ауруларымен сырқаттанған, иммунитет тапшылығы бар, әлсіз және жиі ауыратын балалар, медициналық қызметкерлер, жүкті әйелдер және т.б.) егілді.

Анар Тәңірқұлова

Барлық жаңалықтар