• Басты
  • 2017 жылы СҚО-да 3 пен 6 жас аралығындағы барлық бала мектепке дейінгі біліммен қамтылады

2017 жылы СҚО-да 3 пен 6 жас аралығындағы барлық бала мектепке дейінгі біліммен қамтылады

19 Қаңтар, 2016 12:34
2017 жылы СҚО-да 3 пен 6 жас аралығындағы барлық бала мектепке дейінгі біліммен қамтылады, деді СҚО әкімі Ерік Сұлтанов ҚР Президенті жанындағы ОКҚ-да.

«Білім беру саласындағы шешім табуы тиіс маңызды мәсеелердің бірі балаларды мектепке дейінгі тәрбиемен қамту болып қала бермек. 2015 жылы облыста 1148 жаңа орынға есептелген балабақшалар пайдалануға берілді. Оның барлығы да мемлекеттік-жеке әріптестік аясында ашылды. Ол үшін бюджеттің бірде-бір тиыны шығындалған жоқ. Мәселен,  өңірдегі 2 ірі компания өз қаржылары есебінен 600 орынға арналған 2 жаңа балабақша салды», - деді Е.Сұлтанов.

Облыс әкімінің айтуынша, бүгінгі таңда Солтүстік Қазақстанда 3-6 жас аралығындағы балаларды мектепке дейінгі біліммен қамту көрсеткіші 97 пайызды құрап отыр. «Нұрлы жол» бағдарламасы аясында жеке инвестиция есебінен 200 орынға арналған бір балабақшаның құрылысы жүргізілуде. Сонымен қатар концессиялық жобалар аясында тағы 3 балабақша салу жоспарланған.

«Осылайша, 2017 жылы 3 пен 6 жас аралығындағы барлық балаларды мектепке дейінгі біліммен қамтасыз етуді жоспарлап отырмыз», - деді өңір басшысы.

 

Барлық жаңалықтар