СҚО-да ИИДМБ аясында 100 млрд теңгенің 60 жобасын жүзеге асыру жоспарланған

«Өңірлік Индустрияландыру картасының екінші бес жылдығына 2015 жылы 28,6 млрд теңгені құрайтын 41 жоба енді. Бүгінгі күнге дейін оның 15 жобасы (7,3 млрд теңге) жүзеге асырылып, 437 жаңа жұмыс орны ашылды. Индустрияландыру картасының екінші бес жылдығында 100 миллиардтан астам теңгеге 60 жобаны қосу жоспарланып отыр. Жалпы 5 жыл ішінде 31,4 млрд теңгеге 32 жоба енгізіліп, 1,4 мың тұрақты жұмыс орны іске қосылды», – дейді Е. Сұлтанов.

Әкімнің айтуынша, облыстағы 16 кәсіпорын мемлекеттің әр түрлі қолдауына ие болған.

«Жобаларды жүзеге асыру аясында 16 кәсіпорын инновациялық гранттар, инженерлік инфрақұрылым құрылысын қаражаттандыру, субсидиялау мен несиені, жеңілдетілген несиені кепілдендіру бойынша мемлекеттік қолдау түрлерін пайдаланды. Соның арқасында 2015 жылы 15 жоба іске қосылды», - деді ол.

Оның ішінде облыста еуропалық технологиялар бойынша астық жинау комбайндарын құрастыратын «Sampo» (Қазтехмаш); америкалық технологиялар бойынша асфальтбетонды қоспа өндірісімен («Универсал» Фирма» ЖШС), отын түйіршіктер (Ахмутдинов ЖК), керамикалық кірпіш («Алаугаз СК» ЖШС), ағаш көмірі («Углежог» Компаниясы» ЖШС), тез дайындалатын азық-түлік өндіріс импортын алмастыратын («Радуга») зауыттары іске қосылды.

Индира Кауметова