А.Нұрша: Мәжілісте мерзімінен бұрын сайлау өткізу – реформаларды біріктіретін қадам

18 Қаңтар, 2016 14:47

Депутаттардың Мәжілістің V шақырылымын мерзімінен бұрын тарату және парламент сайлауын тағайындауға қатысты бастамасы сарапшылар үшін тосын жәйт емес. Мәжілісте мерзімінен бұрын сайлау өткізу – реформаларды біріктіретін қадам, деді ҚР Тұңғыш Президенті қорының жанындағы Әлемдік экономика және саясат институтының жетекші сарапшысы Асқар Нұрша.

«Жалпы, Қазақстаннның сарапшылар қауымы үшін парламент сайлауын мерзімінен бұрын өткізу айтарлықтай тосын жәйт емес, себебі біз мұны бір жыл бұрын күткен едік. Есесіне бұл бастама халық үшін күтпеген жаңалық болғаны анық. Бұл тұста Қазақстанның партиялық-саяси өмірін жандандыруға итермелеген бірқатар себеп те болды», - дейді ол.

«Депутаттарды халық өзі сайлап, таңдау жасайды. Конституция бойынша заң шығару билігі атқарушы және сот билігінен дараланады. Яғни, айтпағым, атқарушы биліктің парламентті таратуы орынсыз болар еді. Түптеп келгенде, мерзімінен бұрын өткізілетін кез-келген сайлау үшін депутаттардың тарату туралы бастаманы өздері көтергені әлдеқайда дұрыс», - деп түсіндірді сарапшы.

Ол атап өткендей, ал аталған жағдайда реформаларды қатар алып жүру басты аргумент болып отыр. Яғни сайлаудың мерзімінен бұрын өтуі өте орынды

Естеріңізге салып өтсек, 13 қаңтарда депутаттар Президентке үндеу жолдап, мерзімінен бұрын Мәжіліс және барлық деңгейдегі мәслихаттар сайлауын өткізуді сұраған болатын.

Анар Тәңірқұлова

Фото: iwep.kz

Барлық жаңалықтар