Мерзімінен бұрын сайлау алға басу үшін қажет - Рихард Шенц
17 Қаңтар, 2016 19:14
Мерзімінен бұрын парламенттік сайлау өткізу Қазақстанның өрлеуі үшін қажет, деді Австрия федералды экономикалық палатасы президентінің орынбасары Рихард Шенц, деп хабарлады khabar.kz.
Австрия федералды экономикалық палатасы президентінің орынбасары атап өткендей, алдағы уақытта Қазақстан көптеген реформаларды қабылдайды, оны жүзеге асыру үшін жаңа Парламент керек. Мәжіліс депутаттарының бұл бастамасы өте өзекті.
«Парламент сайлауын мерзімінен бұрын өткізу қазіргі таңда өте дұрыс шешім болып тұр. Бүкіл әлемде экономикалық дағдарыс өршуде. Мұнай мен газ бағасы төмендеп кетті. Жаңа реформалар қажет. Тек жаңа Парламент қана Президент қойған мақсаттарды орындай алады. Бұл сайлау Қазақстанның жаңғырып, алға қарай жылжуына сеп болады», – дейді Австрия федералды экономикалық палатасы президентінің орынбасары Рихард Шенц.
Фото: khabar.kz
