М.Әбенов: Мәжіліс пен мәслихатта мерзімінен бұрын сайлау өткізуге сәйкес қоғамдық-саяси жағдай қалыптасуда

«ҚР Парламент Мәжілісі тарайтын жағдайға орай қазір қоғамдық-саяси жағдай қалыптасып жатыр. 1 қаңтардан бастап Елбасының бастамасымен құрылған Ұлт жоспары, институционалдық ірі реформалар жүзеге асырыла бастады. Бүгінде реформалар бойынша арнайы заңдар қабылданды. Бұл реформаларды іске асыруға септігін тигізетін кезекті заңнамалық база құрылған», - деді М.Әбенов.

Ол атап өткендей, бұл реформалардың ерекшелігі негізгі қысым тек мемлекеттік органдарға ғана емес, қоғамдық ұйымдарға, бизнес пен Қазақстан азаматтарына бағытталған.

«Аталмыш реформалар тиімді жүзеге асуы үшін қоғамдық ұйымдар мен азаматтардың белсенді ұстанымдары қажет. Бұл нормалар заңдарда көрсетілген», - деді М.Әбенов.

М.Әбенов айтқандай, бизнестің ауқымды жұмысы күтілуде бұл орайда Ұлттық кәсіпкерлер палатасы мен бизнес құрылымдар үлкен рөл атқаруы тиіс.

«Бүгінде өңірлерде де біршама өзгерістер болып жатыр. Жергілікті қамту саласында ауқымды өзгерістер болатыны сөзсіз. Халықтың тең жартысы ауылда күн кешеді десек,қателеспейміз, ауылдық жерлерде азаматтар қауымдастығы болуы керек. Қоғамдық-саяси жұмыстар белсенді болуы керек», - деді сарапшы.

Қорытындысында «егер сайлауды кейінге қалдырсақ біз қоғамдық-саяси қарқынды өткізіп аламыз» деді ол.

Ботагөз Айтжанова

Фото жеке мұрағаттан алынды