Ж.Сәбитов: Парламенттің мерзімінен бұрын сайлауы ҚР-ға келетін инвестициялар ағымының азаюы қаупін сейілтеді (ВИДЕО)
"Қазiргi уақытта бiзге сайлау керек, бiзге жаңару қажет. Оның бiрнеше себебi бар, бiрiншiсi - экономикалық және геосаяси жағдайдың өзгерiсi. Бiз жаңа геоэкономикалық жағдайда өмiр сүрудемiз. Онда жаңа ойын ережелерi болады, сондықтан жаңа даму құралдары қажет. Бiз »ескi» парламентпен бағытымызды жылдам өзгерте алмас едiк және де парламенттiң 2016 жылы сайлануы тиiс екендiгiн ескеруiмiз керек, яғни оның жылдың басында не аяғында өткенiнде аса үлкен айырмашылық жоқ. Геоэкономикалық жағдай бұл сайлауды жылдам өткiзудiң себебiнiң бiрi саналады", - дейдi сарапшы.
Оның айтуынша, халықаралық бизнес тыныштық пен тұрақтылықты қажет ететiнiн ескеру қажет.
"Егер бiз Қазақстаннан капитал жылыстауын тоқтатып, осылайша қолда бар халықаралық инвестициялардың сақталуына кепiлдiк бергiмiз келсе, бiз инвесторларды шулатпауымыз керек. Қазiргi таңда сайлауды өткiзу инвесторларға сенiм сыйлайды. Егер бiз сайлауды кейiнге қалдырсақ, бұл бiрiншiден, экономикалық проблемалардың қандай да бiр турбуленттiктi қалыптастыруына мүмкiндiк бередi. Бұл өз кезегiнде халықаралық инвесторларды мазасыздандырып, капиталдан айырылып қалуымыз мүмкiн. Сайлаудың қазiр өтуi капитал жылыстауын азайтады. Жыл соңында бұл көрсеткiш көп болушы едi", - дейдi Ж.Сәбитов
