Қазақстан Белизбен дипломатиялық қарым-қатынасты орнатты
11 Қараша, 2013 13:30
2013 жылғы 7 қарашада Қазақстан Республикасының Вашингтон қаласындағы Елшілігінде Елші Қайрат Омаров пен Америка Құрама Штаттарындағы Белиз Елшісі Нестор Мендез екі ел арасындағы дипломатиялық қарым-қатынасты орнату жөнінде бірлескен коммюникеге қол қойды, деп Сыртқы істер министрлігінің баспасөз қызметі хабарлады.
«Тараптар екі ел арасындағы саяси, экономикалық және мәдени өзара ынтымақтастықты одан ары күшейту туралы қызығушылықтарын растады. Шетел дипломаты Қазақстанмен энергетика мен экотуризм саласында ынтымақтастықты дамытуға қызығушылық білдірді», - деп хабарламада нақтыланған.
Қазақстанның сыртқы саяси мекемесі Латын америка мемлекеттерімен халықаралық аренада қарым-қатынасты дамыту бойынша, оның ішінде Біріккен Ұлттар Ұйымы, жұмыс жүргізуде.
Белиз - Орталық американың солтүстік-шығысында орналасқан мемлекет. Белиздің экономикасының негізгі салалары ауыл шаруашылығы, туризм мен қызмет көрсету болып табылады. Мемлекет қант құрағын, банан, цитрус тектестерін, киім, теңіз өнімдері мен ағашты экспорттайды.
