Ә.Исекешев: Транзиттік әлеует жаңа экономика негізінің бірі
15 Қаңтар, 2016 15:27
Бүгін «Жаңа Жібек жолы – Еуразиялық трансконтиненттік дәліз» жобасын дамыту жұмыстары жүргізілуде. Қазақстанның транзиттік әлеуеті ел экономикасының маңызды құрамы, деді Инвестициялар және даму министрі Әсет Исекешев.
«Егер біздің ұзақмерзімді экономикалық саясатымызға назар аударсақ, көліктік-логистикалық кешен, транзиттік әлеует экономика құрылымының саласы болып табылады. Елбасы бұл салалрға аса мән берген болатын. «Жаңа Жібек жолы – Еуразиялық трансконтиненттік дәліз» жобасын дамыту жұмыстары жүргізілуде», - деді Ә.Исекешев.
Министрдің айтуынша, жоба бірқатар бағыт бойынша дамуда. Бірінші – Қытай – Қазақстан-Ресей – Еуропа. Екінші – Қазақстан-Әзірбайжан – Грузия. Үшінші - Иран мен Парсы шығанағы.
«Бұл бағыттар бойынша келісімдер жүргізіліп, нысандар салынуда. Қорғастың бірінші кезеңі жіберілді, ол Ақтау теңіз порты. Осы жылы Иран арқылы өтетін темір жол жобасы Құрық аяқталады», - деді ол.
