Қазақстанның өңдеушi өнеркәсiп саласындағы өсiм 0,2%-ды құрады – Б.Сағынтаев

«Өнеркәсiп кәсiпорындарын қолдау бойынша дер кезiнде қабылданған нақты шаралар өндiрiстiң айтарлықтай төмендеуiне жол бермедi. Жалпы, негiзiнен тау-кен өндiру өнеркәсiбiндегi көлемнiң қысқаруы есебiнен өнеркәсiптiк өндiрiс 1,6%-ға төмендедi. Тау-кен өндiру өнеркәсiбiндегi өндiрiс көлемiнiң төмендеуiне мұнай өндiру 1,7%-ға, көмiр 5%-ға, сондай- ақ, темiр кенiн өндiру 22%-ға қысқаруы әсер еттi. Бұл негiзiнен Қытай тарапынан сұраныстың төмендеуiне байланысты болды», - дедi ол.

Сонымен қатар, баспасөз мәслихатында мәлiм болғандай, елдегi өңдеушi өнеркәсiп 0,2%-ға өсiп, жақсы көрсеткiштер көрсеткен.

«Аталған саладағы өсiм металлургиядағы өсiмнiң 14,5% деңгейiнде болуымен қамтамасыз етiлген. Ал бұл фактор өз кезегiнде түрлi- түстi металлургия өнiмдерiн шығарудың 23,6%-ға ұлғаюына байланысты туындап отыр. Сондай-ақ, қара металлургиядағы өсiм 0,9%-ды құрады», - деген Б.Сағынтаев елдегi мұнай өңдеушi зауыттардағы мұнай өңдеу көрсеткiштерiнiң шамалы төмендеуi ақылға қонымды факторларға байланысты туындағанын айтты.