ИИДМБ: 2015 жылы 120 жоба жүзеге асырылып, 10 мың жұмыс орны құрылды
15 Қаңтар, 2016 12:32
Қазақстанда 2015 жылы ИИДМБ аясында 120 жоба жүзеге асырылып, 10 мың тұрақты жұмыс орны құрылды, деді ҚР Премьер-Министрінің бірінші орынбасары Бақытжан Сағынтаев ОКҚ-да.
«Индустрияландыру картасы аясында 800 млрд теңгенің 120 жобасы жүзеге асырылып, 10 мың тұрақты жұмыс орны құрылды. Оның ішінде Атырау облысындағы полимерлік өнім өндіру, Алматы облысындағы аллюмений өндірісі, Алматы және Қарағанды облыстарында фармацевтикалық зауыттарды айтуға болады», - деді ол.
Өз сөзінде Б.Сағынтаев Қазақстанда қаржы және қаржылай қолдау көрсету бойынша бағдарламалр баршылық екенін айтты.
« «Даму» қоры бойынша 2015 жылы 100 млрд теңгенің 695 жобасы жүзеге асырылды. Жалпы, осы жылы қор 1177 жобаны қолдады, оның құны 207 млрд теңге», - деді Б.Сағынтаев.
