Б.Төлегенов: Депутаттар өзін-өзі тарату шешімін Мәжілістің сенім мандатын ұзарту үшін қабылдады

15 Қаңтар, 2016 14:32

Депутаттар өзін-өзі тарату шешімін Мәжілістің сенім мандатын ұзартып, дайындалған жұмыстан тәжірибелік жұмысқа өту үшін қабылдады. Бұл туралы «Саясат» интернет басылымының шеф-редакторы Бауыржан Төлегенов ҚР Парламент Мәжілісі мен барлық деңгейлі мәслихаттың сайлауын мерзімінен бұрын өткізу туралы ұстанымына қатысты айтты.

«Мәжілістің бұл шешімі жаңашылдық емес, бұл мәселе бұрыннан бері талқыланып келеді. Мәжілістің сайлауын мерзімінен бұрын өткізу бойынша бірқатар басты себептерді алға тартуға болады.Бірінші кезекте, бұл – энергия тасымалдаушылар нарығындағы әлемдік экономиканың тұрақсыздығы. Жыл басынан бері америкалық индекс 5 пайызға құлдырады. Қытай нарықтық қоры 5 пайызға төмендеді, сондықтан ай өткен сайын жағдай тереңдей түсуде. Екінші сәт – геосаясаттық қысым, үшінші себеп институционалдық реформалар. Президент ұсынған бағдарлама сайлауда жеңіске әкелді, ол жүзеге асырылуға кіріскен болатын», - деді Б.Төлегенов.

Сарапшы атап өткендей, алдын ала ауқымды дайындық жұмыстары жүргізілді.

«2015 жылдың аяғында барлық дайындық жұмыстары аяқталды. Барлық заң жобалары қабылданып, реформалар бағдарламасын біріктіру қажет. Меніңше, депутаттар бұл орайда өзін-өзі тарату шешімін Мәжілістің сенім мандатын ұзарту үшін қабылдады», - деді ол.

Сурет "Хабар" телеарнасынан алынды

Барлық жаңалықтар