Қазақстан әлемдегі алдыңғы қатарлы қаржы орталықтарымен жаңа халықаралық әуебайланыстарын ашады
16 Қаңтар, 2016 15:02
Азаматтық авиация саласын дамыту бойынша бүгінде аймақтық әуе хабын дамыту жөніндегі жұмыстар жүргізілуде. Комитет қызметін Британияның азаматтық авиация агенттігі үлгісіне бағыттай отырып реформалау бойынша жұмыстар қолға алынды, деп хабарлады ИДМ.
ҚР ИДМ Астана әлемдік деңгейдегі қаржы орталығы болуы үшін алдыңғы қатарлы қаржы орталықтарымен (Нью-Йорк, Цюрих, Токио, Сингапур, Бангкок және Гонконг) жаңа халықаралық авиабайланыстар ашу бойынша жұмыстар жүргізуде. 2015 жылы 7 жаңа бағыт ашылды. (Астанадан Қазан, Сеул, Париж, Тбилисиге дейін, Атыраудан Минеральные Водыға, Қызылордадан Мәскеуге, Алматыдан Томскіге).
Осы мақсатта 2015 жылы 3 қарашада Министрлік пен Британияның азаматтық авиация агенттігі (UKCAAi) арасында өзара түсіністік туралы меморандумға қол қойылды. 2016 жылдың бірінші жартыжылдығында ИКАО-ның валидациялық миссиясын жүргізу жоспарланып отыр.
