Ақмола облысында 140 орындық балабақша ашылды
Мектепке дейінгі мекеменің құрылысы 2014 жылдың шілдесінде басталған болатын, облыс әкімі баспасөз қызметінің жетекшісі Меруерт Палмаханованың ақпаратынша, жоба құны – 350,616 млн теңге. Мердігерлік жұмыстарды «KazConstructionGroup» ЖШС орындаған.
Балабақша 140 баланы қабылдай алады – қазақ тілді оқыту тобында – 70, қалған жартысы – орыс тілді оқыту бөлімінде. Балабақша директоры Қуаныш Тоқтасинаның айтуынша, барлық топ та қазір бүлдіршіндерді толығымен қабылдап қойған.
«Балабақшада 27 қызметкер жұмысына кірісіп те кетті, олардың 8-і – жоғары білмді мамандар», - деп толықтырды Тоқтасина.
Облыс әкімі ата-аналар мен балдырғандарды балабақшаның ашылуымен құттықтап, жыл соңына қарай Ақкөлде 140 балаға шақталған тағы бір нысан ашылатынын атап өтті.
