Е.Саиров: Парламентшілерге сенім мандатын беру қажет
«Әлемде геосаяси және геоэкономикалық өзгерістер болып жатыр. Біздің мемлекетімізде 5 институционалды реформа іске асырылып жатыр. Қазақстанда сол реформаларды іске асыруға байланысты заңнамалар қабылданды. Сонымен бірге, Елбасы айтқандай, елімізде әлеуметтік трансформация процестерін жүргізу керек», - деді ол.
Оның айтуынша, осы тұрғыдан, әрине, қоғам мен мемлекет арасында бір жаңа байланыс құралдарын, бір жаңа кері байланыс тетіктерін жасау керек.
«Біздің ойымызша, бұл өте заңды. Өйткені, реформаларды әрі қарай жүргізу үшін, сонымен бірге, қазір болып жатқан сыртқы процестерге жауап беру үшін, әрине, парламент жаңа күн тәртібімен жаңа бет-бейнесімен, сонымен бірге, жаңа бір өзінің көзқарастарымен келуі керек. Менің ойымша депутаттардың бұл ісі заңды әрі түсінікті», - дейді Е.Саиров.
