Н.Назарбаевтың халықаралық бастамалары Нью-Йоркте жоғары деңгейде талқыланды

15 Қаңтар, 2016 08:37

2016 жылы 11-13 қаңтарда ҚР Президенті Н.Назарбаевтың халықаралық бастамаларын және 2017-2018 жж. арналған БҰҰ Қауіпсіздік кеңесінің тұрақты емес мүшелігіне Қазақстан кандидатурасын алға жылжыту мақсатында ҚР сыртқы істер министрінің орынбасары Ержан Ашықбаев жұмыс сапарымен Нью-Йоркке барды.

ҚР СІМ баспасөз қызметі хабарлағандай, Е. Ашықбаев Африкалық топқа мүше мемлекеттердің елшілері, сонымен қатар Латын Америкасы мен Кариб бассейні елдерінің тобы үшін ҚР Президенті Н.Назарбаевтың халықаралық бастамалары туралы брифинг өткізді. Жиылғандар Елбасының терроризммен және экстремизммен күрес бойынша бастамаларына қызығушылық танытты.

Е. Ашықбаев Африканың Оңтүстігін дамыту қауымдастығына мүше мемлекеттердің тұрақты өкілдерімен кездесті. Онда 2030 жылға дейінгі тұрақты даму саласындағы БҰҰ Күн тәртібі аясында Қазақстанның Африка елдерімен серіктестік қатынастарының даму мүмкіндігі қаралды.

Сондай-ақ ҚР Президенті Н.Назарбаевтың халықаралық бастамалары және оларды БҰҰ аясында жүзеге асыру мүмкіндіктері Е Ашықбаевтың БҰҰ Бас хатшысының саяси мәселелер бойынша көмекшісі Мирослав Енчамен кездесуінде талқыланды.

Барлық жаңалықтар