Парламенттің мерзімінен бұрын сайлауын өткізу қоғамның бірігуіне ықпалын тигізеді

14 Қаңтар, 2016 19:24

Қазақстан Республикасы Жоғарғы Оқу Орындары Қауымдастығы халық қалаулыларының Мәжілісті таратып, Парламент пен барлық деңгейдегі мәслихаттардың мерзімінен бұрын сайлауын тағайындау туралы бастамасын қолдайды, деп хабарлады Қазақстан Республикасы Жоғарғы оқу орындары қауымдастығының баспасөз қызметі.

Тәуелсіздік тарихының 25 жылында Қазақстан мемлекеттік құрылыстың ең жауапты кезеңіне аяқ басып, «Бес институттық реформаның» Ұлт Жоспарын нақты іске асыруға кірісті. Бұл барша қазақстандықтардың бірігіп, ауқымды жұмысты тың қарқынмен қолға алуын қажет етеді. Саяси науқан болашағы біртұтас елімізді бірлікке бастап, биік мақсаттар аясында тұтаса түсуіне мүмкіндік береді.

Сонымен бірге, күллі әлемді құрдымға бастаған жүйелі жаһандық дағдарыстың кезекті толқыны күшейіп келе жатқанын баршамыз көріп отырмыз. Бұл әлемдік нарықтың ажырамас бөлігіне айналған Қазақстанға да өз кесірін тигізбей қоймайды. Дегенмен, экономикасы нығайып, аяғынан нық тұра қоймаған кездердің өзінде алапат дағдарыстарға лайықты тойтарыс берген Қазақстан бұл қиындықтардан да абыроймен өтеріне сенеміз. Тек саяси науқандарға уақыт ұттырмай, тезірек іске кірісуіміз қажет.

Сол себепті, Парламент депутаттарының бастамасына қолдауымызды білдіре отырып, барша қазақстандықтарды тағдырлы мәселеге үн қосуға шақырамыз.