Мемлекеттік орган мен гуманитарлық ғылым өкілдерінің 95,6 пайызы Мәжіліс пен мәслихат сайлауын өткізу бастамасын қолдады
«Кеше депуттаттардың бастамасынан кейін біз сарапшылар қатысқан сауалнама жүргіздік. Оған мемлекеттік орган, азаматтық қоғам, ЖОО өкілдері мен әлеуметтанушылар, саясаттанушылар, журналистер мен басқа гуманитарлық ғылымдар саласының өкілдері қатысты. Барлығы 97 сарапшы атсалысты», - деді Ю.Кучинская.
Ол сауалнама нәтижелерімен таныстырды. Ю.Кучинскаяның мәлімдеуінше, сарапшылардың 95,6 пайызы парламент Мәжілісі мен мәслихат сайлауын мерзімінен бұрын өткізу бастамасын қолдады. Олардың 94,8 пайызы сайлау өткізу бастамасы жедел әрі тиімді дағдарысқа қарсы әрекетпен байланысты деп мәлімдеді.
«Сарапшылардың 94,1 пайызы Мәжіліс сайлауы мен барлық деңгейдегі мәслихат сайлауын бір уақытта өткізу бастамасын қолдады. Себебі ол бюджет шығындарын азайтуға мүмкіндік береді. Сарапшылар мерзімінен бұрын сайлау бастамасын қолдаудың тағы бірқатар себебін атады. Олардың 93,4 пайызы Бесінші шақырылымдағы парламент Мәжілісінің өз миссиясын орындады деп баға берді», - дейді Ю.Кучинская.
