Мерзімінен бұрын сайлау өткізу Елбасының Ұлт жоспарын жүзеге асыруға мүмкіндік береді – сарапшы (ВИДЕО)
"Мен Парламент Мәжілісінің сайлауын мерзімінен бұрын өткізу туралы жасалған ұсынысты қолдаймын. Мұның бірнеше себебі бар, біріншіден, халықаралық жағдайды білеміз. Әлемдік экономикалық дағдарыс жағдайында, әрине, халықаралық аренада жаһандық негізгі ойыншылардың арасындағы текетірес ушығып отыр. Сондай-ақ Қазақстанға деген геосаяси қызығушылық өте жоғары, сондықтан еліміз уақытты текке жібермеу үшін тезірек жаңа заңды Парламент құруымыз қажет", - дейді қоғамдық қор жетекшісі.
Оның айтуынша, Мәжіліс сайлауын мерзімінен бұрын және барлық деңгейдегі мәслихаттар сайлауымен бірге өткізу бюджеттік қаражатты айтарлықтай үнемдеуге мүмкіндік береді.
"Екі сайлауды бірге өткізіп жіберсек, тағы да бюджеттік қаражатты үнемдейміз. Сондықтан жаңа парламентті сайлау Президенттің бес институционалдық реформасы мен "100 нақты қадам" Ұлт жоспарын жүзеге асыруға қуатты қарқын береді", - деп түйіндеді сөз соңын Е.Нұрғалиева.
Айта кетейік, кеше Мәжіліс депутаттары Қазақстан Президентіне биылғы жылдың соңына белгіленген сайлауды мерзімінен бұрын және барлық деңгейдегі мәслихаттар сайлауымен бірге өткізу ұсынысын жасады.
