Мәжілістегі мерзімінен бұрын сайлау саяси партияларға жаңа мүмкіндіктер береді – ҚАА
13 Қаңтар, 2016 14:58
Парламент Мәжілісінде мерзімінен бұрын сайлау өткізу туралы депутаттардың бастамасы саяси партиялардың реформаларға қатысу және жаһандық дағдарыс жағдайында дағдарысқа қарсы шараларды жүзеге асыруда жаңа мүмкіндік береді, делінген Қазақстанның азаматтық альянсы үндеуінде.
«Қазақстанның азаматтық альянсы елдің ірі үкіметтік емес ұйымдарының жүйесін біріктіріп отыр. Біздің ұйымға енетін қатысушылардың атынан Мәжілісте мерзімінен бұрын сайлау өткізу бастамасын қолдаймыз.
Біз республиканың қоғамдық өмірі мен әлеуметтік мәселелерді шешу және ауқымды қайта құрылу шараларына атсалысамыз.
Ұлт жоспарында қарастырылған дағдарысқа қарсы шаралар, заңнаманы жетілдіру, мемлекет пен азаматтық қоғамның өзара әрекеттестігі үлкен мәнге ие.
Сондықтан да депутаттардың Мәжілістің және барлық деңгейдегі мәслихаттың мерзімінен бұрын сайлауын өткізу бастамасын қолдап отырмыз, ол саяси партиялардың мүмкіндігін арттыра түседі», - делінген Үндеуде.
