Канаданың Сыртқы істер министрі Джон Бэрд Қазақстанға ресми сапармен келеді
«Бұл екі ел арасындағы дипломатиялық қарым-қатынастарды орнатқан мезеттен бастап, Қазақстанға Канаданың сыртқы саяси ведомствосы басшысының алғашқы ресми сапары екендігін ерекше атап өткім келеді. Канада – еуроатлантикалық блоктағы Қазақстанның маңызды әріптесі. Сапардың басты мақсаты – ортақ мүдделер болатын кең спектрлі мәселелер жөнінде пікір алмасу. Екі елдің сыртқы істер министрлері қазақстан-канада жан-жақты ынтымақтастығын одан әрі тереңдетуге бағытталған бірлескен кешенді шараларды талқылайды», -деді ресми өкіл өз сөзінде.
«Сапар аясында ҚР Индустрия және жаңа технологиялар министрі Әсет Исекешев және Канада Сыртқы істер министрі Джон Бэрд атом энергиясын бейбіт мақсатта пайдалану саласындағы ынтымақтастық туралы Қазақстан Үкіметі мен Канада Үкіметінің арасындағы келісімге қол қоюға ниетті», - деді А. Әбибуллаев.
