«Байқоңыр» ғарыш айлағында «Протон-М» зымыран-тасығышын дайындау жұмыстары жалғасуда
13 Қаңтар, 2016 19:04
«Байқоңыр» ғарыш айлағында «Eutelsat 9B» европалық телекоммуникациялық ғарыш аппаратын ұшыру бағдарламасы шеңберінде «Бриз-М» үдеткіш блогымен «Протон-М» зымыран-тасығышын дайындау жұмыстары жалғасуда, деп хабарлады агенттіктің баспасөз қызметі.
Аталған ұшыру ғарыш айлағының 200 алаңындағы старттық кешеннен ағымдағы жылдың қаңтар айының соңына белгіленген және «Байқоңырдағы» ғарыш жылын ашады.
«Eutelsat 9B» ғарыш аппараты «Eutelsat Communications» француздық спутниктік оператордың меншігі.
