ИИДМБ: Қызылорда облысында 82 млрд теңгенің 17 жобасы жүзеге асырылды
13 Қаңтар, 2016 09:28
Мемлекеттік индустрияландыру бағдарламасының бірінші және екінші бесжылдығында Қызылорда облысында құны 82 млрд. теңге болатын 17 жоба жүзеге асырылды.
Бұл туралы «Сыр Медиа» ЖШС-нің облыстық коммуникация орталығының брифингінде облыстық индустриялық-инновациялық даму басқармасы басшысының орынбасары Ринат Сұлтангереев мәлімдеді.
Екінші бесжылдық шеңберінде құны 466,9 млрд. теңгені құрайтын 41 жобаны жүзеге асыру көзделген. Нәтижесінде 6 мың жұмыс орны құрылады.
«Соның ішінде 2015 жылы 2,3 млрд. теңгенің 5 жобасы орындалды. 250 жұмыс орны құрылды», - деді ол.
