ШҚО-да 2016 жылы 16 мыңнан астам жұмыс орны ашылады

13 Қаңтар, 2016 09:13

2016 жылы Шығыс Қазақстанда 2 есе өнімділік еңбегін ұлғайту және жұмыспен қамтылуды қамтамасыз ету шараларын жүзеге асыру жолға қойылған. 16177 жаңа жұмыс орнын құру жоспарланған, деп ШҚО жұмыспен қамтуды үйлестіру бөлімінің және әлеуметтік бағдарламалар басқармасы бастығының м.а Самал Мырзабаева айтты.

Оның айтуы бойынша, Президент Жоспарында қаралған дағдарысқа қарсы шараларды және құрылымдық реформаларды жүзеге асыру жұмыстары экономикалық өсуді қалпына келтіріп, қиындықтарды жеңуге көмектеседі.

«Елбасы «Қазақстан жаңа жаһандық ахуалда: өсу, реформалар, даму» атты Жолдауында жұмыспен қамту мәселелеріне көп көңіл бөлді. Президенттің айтуынша, жаңа экономикалық жағдайлар осы сала бойынша шараларды күшейтуге тиіс. Тапсырманы іске асыру мақсатында «Жұмыспен қамту жол картасы» бойынша қосымша өзгерістер еңгізіліп, басты назар жұмыс орындарын сақтап қалу мен құру, қызмет көрсету секторларында жұмыспен қамтуды кеңейту, еңбек ресурстарының сапасын жоғарылату, жаңа жұмыс орындарын құруға бағытталды. Жұмыспен қамту жаңа картасы 2016 жылдан бастап іске қосылады»,-деді ол.

С.Мырзабаеваның айтуынша, 2016 жылы 16177 жаңа жұмыс орындарын ашу жоспаланып отыр. Оның ішінде 930-ы индустриалды-инновациялық даму мемлекеттік бағдарламасы болса, 303-і «Бизнестің жол картасы» бойынша.

ШҚО ақпараттандыру орталығының ақпараты бойынша, биылғы жылы өңірде әлеуметтік нысандарды жөндеу бойынша 73 инфрақұрылымдық жобаларды іске асыру, инженерлі-транспорттық және тұрғын үй нысандарына 1 млрд теңгеден астам сомасында, сондай ақ 901,0 млн теңге республикалық бюджеттен алу жоспарлануда. Екінші бағыт бойынша бағдарламаға 400 микро несиеге 1,1 млрд. теңге беру жоспарлануда.

Барлық жаңалықтар