Веллингтон университетінің профессоры мемқызметкерлерге өткізетін семинарда меморгандардағы менеджмент қызметіне үйретеді
11 Қараша, 2013 09:45
Астанада 2013 жылдың 11-15 қарашасында ҚР Президенті жанындағы Мемлекеттік басқару академиясында мемқызметкерлердің біліктілігін арттыруға арналған: «Мемлекеттік органдардағы менеджмент қызметі» атты семинар өтеді. Ол Аймақтық хаб хатшылығымен бірігіп ұйымдастырылып отырған шара, деп академияның баспасөз қызметі хабарлады.
«Дәріс беруші Родни Дормер Веллингтон университетінің профессоры (Жаңа Зеландия). Қазақстанның мамандарымен қоса семинарға Беларусь, Армения, Украина, Тәжікстан, Әзербайжан, Қырғызстан елінің өкілдері қатысады», - деп хабарламада нақтыланған.
Аймақтық хаб мемлекеттік қызмет саласында тәжірибе мен білім алмасуға бағытталған. Аймақтық хаб халықаралық сарапшылардың белсенді ақпарат алмасу аймағына айналған. Алаңда мамандар мемлекеттік қызметтің әр түрлі бағыты бойынша пікір алмасады.
Айта кетейік, Аймақтық хабты құру бастамасын ҚР Президенті Н. Назарбаев қолдаған болатын.
