12 Қаңтар, 2016 14:32
Н.Әбдібеков: «Орталық-Оңтүстік» көліктік дәлізінің қайта жөнделуін 2019 жылы аяқтау жоспарлануда
Қарағанды облысында 2016 жылы 510 км автомобиль жолдарын жөндеуден өткізу қарастырылған, оның құны 36,6 млрд теңгені құрап отыр, деп хабарлады облыс әкімі Н.Әбдібеков ОКҚ-да.
«2015 жылы 31 млрд теңгенің 502 шақырым жолын жөндеу қарастырылған. 2 мың жұмыс орны құрылды. Жақсы жағдайдағы жолдардың үлесі 74 пайызды құрады. Оның ішінде «Орталық – Оңтүстік» көліктік дәлізін айтуға болады», - деді ол.
Н.Әбдібековтың айтуынша, 1318 шақырымға созылған жобаның 600 шақырымы Қарағанды облысы бойынша өтеді. Аталмыш жобаны жүзеге асыру 2013 жылы басталды, 2016 жылы автобанның 4 жолағы Қарағандыны елордамен біріктіреді.Қайта жөндеу жұмыстары 2016 жылы аяқталмақ.
«Бұл жол барлық халықаралық бағытты жандандыруға мүмкіндік береді. 2016 жылы 36,6 млрд теңгені құрайтын 510 шақырымдық жолды жөндеу жоспарланған», - деді Н.Әбдібеков.
