ИИДМБ: 2015 жылы Қарағанды облысында 10 жаңа жоба 600 жаңа жұмыс орнын қамтыды

«Жылдың қорытындысы бойынша өндірістік өнім бойынша айтатын болсақ, ол 5,2 пайызды құрады. Бұл әлемдік нарықта қалыптасқан жағдайды ескерсек, жақсы жағдай. Өңдеу өнеркәсібі туралы айтатын болсақ, 9 пайыздық өсім тіркелді. Еңбек өнімділігі 66,7 мың долларды құрады», - деді ол.

Әкімнің айтуынша, индустрияландыру бағдарламасы аясында 2015 жылы 10 жоба іске қосылып, 600 жаңа жұмыс орны қосылды. 

«Индустрияландыру бағдарламасын жүзеге асыру туралы сөз қозғасақ, Индустрияландыру картасына 94 жоба енді, оның 21 жобасына шетелдік капитал қатысты. Бағдарламаның басынан бастап, 68 жоба жүзеге асырылып, 282 млрд теңге өнім шығарылды. 2015 жылдың қорытындысы бойынша 82 млрд теңгенің өнімі шығарылды. 2015 жылы 10 жоба іске асып, 600 жұмыс орны құрылды», - деді аймақ басшысы.