Дүниежүзiлiк банк отандық ғалымдардың еңбегін коммерцияландыруға қаражат бөледi

Комитет отырысында «Халықаралық қайта құру және даму банкi мен Қазақстан Республикасы арасындағы қарыз туралы келiсiмдi ратификациялау туралы заң жобасы талқыланды. Аталған заң жобасы елiмiздегi ғалымдардың ғылыми, ғылыми-технологиялық нәтижелерiн коммерцияландыруға, өндiрiске енгiзуге бағытталған жобаларды жүзеге асыруды қарастырады.

«Жобаға Дүниежүзiлiк банк тарапынан 88 млн АҚШ доллар бөлiнедi және жоба 5 жыл бойы жүзеге асырылатын болады. Ғалымдардың ғылыми еңбектерін коммерцияландыру, өндiрiсте қолданысқа енгізу, оларға гранттар бөлу басты аспект болып табылады. Бұл мақсатқа жалпы сомадан 40 млн АҚШ доллары қарастырылды. Соның iшiнде, 30 млн доллар коммерцияландыруға арналған гранттарға бөлiнсе, 10 млн доллар ғалымдардың әлеуетiн арттыруға жұмсалмақ», - дедi ол.

Вице-министр мәлiм еткендей, қаражаттың екiншi бөлiгi технологиялық консорциумдар құруға жұмсалады.

Бұл бiздiң елiмiздегi жаңа құбылыс болмақ, яғни, бiр технологиялық жобаны шешу үшiн жоғары оқу орындарының, ғылыми мекемелердiң, бизнес пен мемлекеттiң күшi бiрiктiрiледi. Бұл жобаларға 35 млн доллар бөлiнедi. Үшiншi бөлiк – бұл венчурлық қор құру, коммерцияландыру кеңсесiн, технологиялар трансфертi кеңсесiн және брокерлiк кеңсенi дамыту», - дедi Т.Балықбаев.

Бұл жобалардың барлығы коммерцияландыруды қолдайтын институционалдық инфрақұрылымды құруға арналған. Қарыз 10 жыл көлемiнде қайтарылатын болады