А.Күшкүмбаев: Н.Назарбаевтың «Ұлт жоспары – қазақстандық арманға бастайтын жол» мақаласында бірқатар маңызды реформалар ұсынылған

«Елбасы Н.Назарбаевтың «Ұлт жоспары – қазақстандық арманға бастайтын жол» мақаласында бірқатар  маңызды реформалар ұсынылған. Елбасы атап өткендей, «Ұлт жоспарының  Тәуелсіздіктің 25 жылдығында шығуы бекер емес. Бұл біздің елде болған ауқымды шараларға баға беруге мүмкіндік берді. Осы жылдары құрылған әлеуметтік жүйе кез келген жүйе сияқты өзгерістер мен жетілуге аяқ басты. Президент ұсынған идеяларды айтып өтсек. Бұл мемлекеттік қызметті реформалау болып табылады, ол конкурстық негізде жүзеге аспақ. Президенттің пікірінше меритократиялық принцип арқылы мемлекеттік аппарат қызметкерлерінің сапалы мансаптық өсімі болуы керек. Сондай-ақ, мемлекеттік қызметкерлердің еңбегін бағалаудың жаңа жүйесі енеді», - деді ғалым 100kadam.kz. порталына берген сұхбатында.

Айболат Күшкүмбаевтың айтуынша, Елбасы өз мақаласында «Мәңгілік ел» мдеясын да тілге тиек етті.

«Н.Назарбаев өз мақаласында «заманауи әлемде барлық дамыған ел – бірыңғай ұлт», тарихи қалыптасқан жағдай аясында құрылған елдер. Осы орайда «Мәңгілік ел» жалпыұлттық идеясы біздің тарихи ұзақ жолымызды айқындап тұр. «Ел» сөзі өзінің ұзақмерзімді тарихына ие. Еуразиялық көшпелі  империя – Ұлы Түрік қағанаты  VI-VIII ғасырларда  – «Түрк Ел» атағына ие болды, Алтын  Орда XIII-XV ғасырлар  – «Ұлұғ Ұлыс» (Великий Улус), Қазақ хандығы  – «Қазақ Елі»», - деді ол.