Қазақстан Шекара қызметінің әскери-көліктік авиациясын Ан-26 ұшағы толықтырды

Әуе кемелері Киев қаласының авиажөндеу зауытында толық жөндеуден және қайта жабдықтаудан өтіп, Шекара қызметінің авиациялық базасына келді.Олардың ескірген агрегаттары ауыстырылды. Қазіргі уақыттағы халықаралық талаптарға сәйкес жаңа жүйелер орнатылды. Толық жөндеу және қайта қалпына келтіру жұмыстары аталған әуе кемелерінің жұмыс істеу мерзімін 2020 жылға дейін ұзартып отыр.

«Қазіргі уақытта шекара қызметінің техникалық жабдықталуы жаңа сапалы деңгейге көтерілді. Бұл ел Президенті – Жоғары Бас қолбасшының шекарашылардың мәселелеріне үнемі назар аударуы мен ҰҚК басшылығының техникалық әлеуетті арттыруға деген күш-жігерінің жемісі екендігі сөзсіз, себебі, Қазақстанның сыртқы шебін күзету және Шекара қызметін нығайту мен реформалау, әскери-жауынгерлік қызметін дамыту бойынша бойынша кешенді шаралар қабылдау ең басты талап болып отыр», - деп ведомствоның баспасөз қызметі хабарлады.