Бестөбеде жоғары сапалы барит концентратын шығаратын кешен ашылады

Бұл жоба мұнай-газ саласы үшін қызмет көрсетуде үздік көшбасшы Halliburton» компаниясымен бірлесе қолға алынады. Кешеннің құрылысы 2015 жылы Қарағанды облысының Қаражал қаласында қазақстандық және шетелдік инвесторлардың қатысуымен басталды.

Жобаның жалпы құны 4 млрд. 500 млн. теңге. Қуаты жылына 200 мың тонна болатын кешенде 100-ден аса жұмыс орны құрылады. Технологиялық жобалау жұмыстары АҚШ-та Қарағанды аймағындағы кеніштің ерекшелігін ескере отырып әзірленуде.

Өндірілген барит өнімінің 70%  6 елге – негізінен Әзірбайжан, Ресей, Түркіменстан, Өзбекстан және Норвегия мен Данияның мұнай-газ кәсіпорындарына экспортталады. Қалған бөлігі ішкі нарықтағы Halliburton, Karachaganak Petroleum Operating B.V., ТШО,  CNPC және басқа да кәсіпорындарға бағытталады. Жоба 2018 жылы толық қуатында жұмыс істейді деп жоспарланып отыр.