Сенат отырысының күн тәртібі бекітілді
11 Қаңтар, 2016 12:37
Қасым-Жомарт Тоқаевтың төрағалық етуімен Сенат Бюросының отырысы болып, онда Парламенттің жоғарғы палатасы кезекті отырысының күн тәртібі белгіленді, деп хабарлады Сенаттың баспасөз қызметі.
Сенаторлар төрт заң жобасын қарауды жоспарлады. Депутаттардың талқысына Азия Инфрақұрылымдық Инвестициялар Банкі Келісімінің Баптарын, Қазақстан Республикасы мен Халықаралық Қайта Құру және Даму Банкі арасындағы Қарыз туралы келісімді (Өнімді инновацияларды ынталандыру жобасы), Білім беру саласындағы кемсітушілікке қарсы күрес туралы конвенцияны және Қазақстан мен Қырғызстан арасындағы Мемлекеттік шекара арқылы өткізу пункттері туралы келісімге өзгеріс енгізу туралы хаттаманы ратификациялау туралы заң жобалары шығарылады.
2016 жылғы 14 қаңтарда болатын Палата отырысының күн тәртібіне депутат Төлеубек Мұқашевты Парламент Сенатының Әлеуметтік-мәдени даму және ғылым комитетіне ауысуы туралы мәселе де енгізілді.
