М.Өтешев: Мемқызметкерлерге арналған 3 + 3 формуласы бойынша сынақ мерзімі шетелдік тәжірибе есебімен бекітілді

11 Қаңтар, 2016 15:19

Мемлекеттік қызметкерлерге арналған 3 + 3 формуласы бойынша сынақ мерзімі шетелдік тәжірибе есебімен бекітілді, деді Павлодар облысының мемлекеттік қызмет және жемқорлыққа қарсы күрес ісі жөніндегі агенттік департаменті жетекшісінің орынбасары Мақсұт Өтешев.

Айта кетейік, «100 нақты қадам» Ұлт жоспарының 4 қадамына сәйкес 3 + 3 формуласы бойынша сынақ мерзімі шетелдік тәжірибе есебімен бекіту қарастырылған.

«Заңның қабылдануы мемлекеттік қызметке жаңа келген тұлғаларға 3 айға дейін сынақ мерзімін орнату қарастыруы мүмкін. Сынақ мерзімі міндетті болып есептелмейді. Бұл мерзім адамды зерттеуге кейде аздық етіп жатады. Халықаралық тәжірибенің сараптамасы көрсеткендей, көптеген шетелдік елдерде сынақ мерзімі ұзақмерзімді болып табылады. Мәселен, Аустралияда, Жапонияда 6 айға созылса, Ирландия, АҚШ, Бельгияда 1 жылға тең. Ұзақмерзімді сынақты бекіту шетелде қолданылады. Шетелдік тәжірибені ескере отырып 3+3 формуласы бойынша сынақ мерзімі бекітілді», - деді М.Өтешев.

Оның айтуынша, бұл механизмді тиімді жүзеге асыру үшін тұлғаларға жеке бейімделу жоспары тағайындалады. Бейімделу жоспары мекемелерді зерттеу мен кейбір қасиеттерге байланысты әзірленеді, деп хабарлады 100kadam.kz.

«Жеке жоспарды жүзеге асыруда көмек көрсету мақсатында бақылаушы бекітіледі. Тәлімгер болып мемлекеттік қызметкер болады, ол аса тәжірибелі оның қызметінде тәжірибелік көмек көрсетеді. Жеке бейімделу жоспарының қорытындысына басшылық баға береді. Бейімделу жоспары орындалмаған жағдайда жетекші сынақ мерзімін тағы 3 айға ұзарта алады», - деді ол.

М.Өтешев атап өткендей, жалпы бұл шараларды қабылдау жұмысқа келген адамдарды қамтуға бағытталған.

Анар Тәңірқұлова