Екатеринбургте Қазақстан мен Ресей өңіраралық ынтымақтастығының X форумы басталды
10 Қараша, 2013 15:30
10-11 қарашада Екатеринбургте Қазақстан Республикасының Президенті Нұрсұлтан Назарбаев пен Ресей Федерациясының Президенті Владимир Путиннің қатысуымен Қазақстан - Ресей аймақаралық ынтымақтастығының Х форумы өтеді, деп Bnews.kz ОКҚ-не сілтеме жасай отырып хабарлады.
«Х Форумның басты тақырыбы – «Өнеркәсіптік ынтымақтастық». Ресей Федерациясы мен Қазақстан Республикасының аймақаралық ынтымақтастық форумы екі ел арасындағы сапаны арттыру мен ауқымды ынтымақтастыққа бағытталған маңызды институт», - деп хабарламада нақтыланған.
Екатеринбургтегі мерейтойлық Форум мен көрмеге Қазақстан РФ және ҚР Президенттері, екі мемлекеттің ведомстволары мен министрліктерінің басшылары, шекаралас аймақтардың, ірі өнеркәсіптік кәсіпорындар мен ғылыми-зерттеу институттарының басшылары және инновациялық технологиялар саласының сарапшылары қатысады.
