ОҚО-да БЖК-2020 бойынша 107 кәсіпкерге қолдау көрсетілді

9 Қаңтар, 2016 11:38

Оңтүстік Қазақстан облысында «Бизнестің жол картасы 2020» бағдарламасы аясында 107 шағын және орта кәсіпкерлік субъектілеріне өткен жылдың 4-тоқсанында мемлекеттік қолдау көрсетілді, деп хабарлады облыс әкімдігі.

Бұл өз кезегінде облысқа 50 млрд.теңгеден астам жеке инвестиция тартуға ықпал етті. Қолдау көрсетілген жобалар ішінде республикадағы теңдесі жоқ мотор майлары мен созылымды майлауды (смазка) және пайдаланылған майларды регенерациялау «High Industrial Lubricants & Liguids Corporation» ЖШС-нің зауыттары бар.

Одан басқа, қаланың жолаушылар тасымалдау қызметін жаңа деңгейге көтеруге, жолаушылар көлігі автопаркін жаңартуға үлесін қосқан, «Green bus company» ЖШС-нің жаңа 200 бірлік қоғамдық көлік сатып алу жобасына мемлекеттік қолдау көрсетілген. Бизнесті қолдау мен дамытудың бірыңғай бағдарламасы - банк несиелерінің пайыздық мөлшерлемелерін субсиядиялау және ішінара кепілдендіру, ісін бастауға мемлекеттік гранттар беру, жетіспейтін инфрақұрылыммен қамтамасыз ету тетіктерін қамтиды.

Барлық жаңалықтар