«Startup «Bolashak» Қазақстандағы үздік бизнес идеяларды іріктеді
8 Қаңтар, 2016 19:48
«Болашақ» қауымдастығы «Бәйтерек» холдингінің қолдауымен Қазақстанның үздік бизнес идеяларын іріктеп алды. 2 мыңға жуық өтініш берілген болатын, деп хабарлады Халықаралық бағдарламалар орталығы.
Бизнес идеялардың көп бөлігі өндірістік өңдеу өнеркәсібіне бағытталды – 647 өтініш, ақпарат және байланыс – 263,білім беру – 171.
Байқау екі кезеңнен тұрды. Бірінші кезеңде байқау комиссиясы 23 бизнес жобаны таңдап алды.
«Бизнес идеяларды іріктеуде әлеуметтік әсер мен нарықтағы қажеттілік ескерілді», - деді Холдинг басшысы Қуандық Бишімбаев.
8 қаңтардан бастап «Хабар» арнасынан байқаудың телевизиялық нұсқасы «Startup «Bolashak» басталады.
