Алматы метросында жолаушы легі 3 млн адамға артты
8 Қаңтар, 2016 15:38
Алматы метросын көлік ретінде пайдаланушылар саны өткен жылмен салыстырғанда 3 миллион жолаушыға артты. Егер 2014 жылы метроны 40 мыңға жуық адам пайдаланса, бүгінгі күні олардың қатары 10 миллион жолаушыға артып отыр, деп хабарлады қалалық әкімдік.
Бұлардан өзге өткен жылы мүмкіндігі шектеулі 215 адам да метро қызметін пайдаланды. Тактильді навигация арқасында соқыр жандар да тасымалдануда.
Өткен жылдың сәуір айында метроның "Сайран" және "Мәскеу" атты жаңа екі бекеті іске қосылды, соның арқасында метро желісі 11,3 километрге ұзарып, жолаушы легі көбейді.
"2015 жылы әскери апатты-құтқару қызметінің арқасында метрода алғаш рет өзінің жеке өртке қарсы қызмет құрылымы құрылды. Метро тарихында тұңғыш рет банкі картасы арқылы жол ақысын төлеу жүзеге аса бастады. Осы жоба барысында жолаушылар банкомат іздеп шабылмайтын, жетон алу үшін ақшаларын ауыстырмайтын болды", - деп атап өтті "Метрополитен" МҚК.
