Қазақстанда МЖС-нің 80-ге жуық жобасы жүзеге асырылуда

8 Қаңтар, 2016 12:13

Қазақстанда бүгінгі таңда мемлекеттік-жеке меншік серіктестіктің 80 жобасы жүзеге асырылуда, оның 8 – республикалық маңыздағы жобалар, деді «Қазақстандық МЖС орталығы» АҚ сарапшысы Айдос Кебетов ҚР «Мемлекеттік жеке меншік серіктестік»: МЖС жобаларын өткізу мен әзірлеу мен байқау өткізудің тәртібі» Заңының қосымшасын түсіндіру бойынша өткен семинарда.

«2015 жылдың 31 қазанында қабылданған жаңа заң аясында мемлекеттік жеке меншік серіктестік механизмі барлық салаларда қолданылуда. Бүгінгі таңда Қазақстандағы 80 жоба жүзеге асырылуда, оның 8-і республикалық мағынадағы жобалар. Негізгі жобалар: Шымкенттегі 1500 орындық түзету мекемесінің құрылысы, Өскемен, Ақтаудағы 300 орындық аурухана, Семейдегі балалар ауруханасының құрылысы, әл-Фараби атындағы Қазақ ұлттық университетінің жанындағы инновациялық-кластердің салынуы», - деді ол.

Оның айтуынша, жобаларды әзірлеу мен қаржылық-экономикалық модельді дайындауда, бірінші кезекте жобаның құны сараланады.

«Жеке салымшы егер де мемлекеттен еш көмек алмаса, нысан оның меншігінде қалуы мүмкін. Егер де мемлекет қолдау көрсеткен болса, нысан уақыт өте келе мемлекетке тапсырылады. Жеке салымшы өз ресурсын бүгін құрылысқа салатын болса, мемлекет оған қаржыны міндетті түрде қайтарады», - деді ол.

Анар Тәңірқұлова

Барлық жаңалықтар