Қоғамдық кеңестер меморгандардың жұмысын бақылауға мүмкiндiк бередi – сарапшы

7 Қаңтар, 2016 13:32

Қоғамдық кеңестер азаматтарға мемлекеттiк органдардың жұмысын бақылауға мүмкiндiк бередi. Бұл жөнiнде ҚР Президентi жанындағы Орталық коммуникациялар қызметiнде өткен баспасөз мәслихатында Еуразиялық сараптама кеңесi қоғамдық қорының президентi, Қазақстан азаматтық альянсының менеджерi Шыңғыс Лепсiбаев мәлiмдедi.

«100 нақты қадамды жүзеге асыру аясында елiмiзде жаңа үлгiдегi қоғамдық кеңестер құру қарастырылған. Жақында ғана қабылданған заңға сәйкес, барлық орталық мемлекеттiк органдар мен әрбiр әкiмдiкте қоғамдар құрылады. Сонымен қатар, заңнамаға сәйкес, бұл кеңестердiң шешiмiн қоғам өкiлдерi, яғни, үкiметтiк емес ұйымдар, азаматтық белсендiлер және мамандандырылған мекемелер әзiрлейтiн болады», - дедi ол.

«Яғни, әрбiр азамат қоғамдық ұйым немесе өз депутаты арқылы қандай да бiр сауал жолдай алады. Бұл кеңестерде көтерiлген мәселелердi қарастыруды мемлекеттiк органдарға мiндеттеу аталған институттың тиiмдiлiгiн бiлдiредi. Сондықтан, кез-келген азамат орталық мемлекеттiк органның жұмысын бақылай алады. Себебi, заң бойынша әкiмдiктер де, орталық мемлекеттік органдар да өз жұмысы бойынша есеп беруге мiндеттi», - деп қорытты сарапшы.

Барлық жаңалықтар