Маңғыстау облысында жыл соңына дейін екі инновациялық жоба іске қосылады

9 Қараша, 2013 10:45

Үкіметтің кеңейтілген отырысында Мемлекет басшысы берген тапсырмаларды орындау мақсатында жобаларды ҮИИД МБ-на жобаларды енгізу барысында олардың өңірге қаншалықты пайда әкелетіні басты назарда ұсталады. Бұл жайлы индустриялды- инновациялық даму облыстық басқармасының баспасөз қызметі хабарлады.

«Қазіргі таңда Қазақстан Республикасының 2010-2014 жылдарға арналған Үдемелі индустриялды-инновациялық даму мемлекеттік бағдарламасы аясында Маңғыстау облысы бойынша Индустрияландыру картасына құны 280,1 млрд теңге болатын 34 жоба енгізілген. Олардағы ашылатын жаңа жұмыс орындары 8 800», - делінген хабарламада.

Олардың ішінде аймақтық картаға 32 жоба енген. 8 400 жаңа жұмыс орнын ашуға мүмкіндік беретін 32 жобаның жалпы құны 230,9 млрд.теңге. Ал республикалық картаға енген екеуінің құны 49,1 млрд.теңгені құрайды. Бұл жобалар бойынша 354 жаңа жұмыс орны ашылмақ.

Биыл 83,5 млрд. Теңгені құрайтын екі жоба басталады. Бұлар да өз кезегінде 600 жаңа жұмыс орнын ашпақ. Атап айтар болсақ, Ақтаудағы республикалық маңызы бар битум зауыты инновациялық жобасы. Аталмыш жобаның басты артықшылығы битум импортын барынша азайту болып табылады.

Барлық жаңалықтар