Жамбыл облысының әкімі ҰОС ардагерін Жаңа жылмен құттықтады

Жаңа жыл қарсаңында облыс басшысы Кәрім Көкрекбаев Ұлы Отан соғысының ардагері Төлеген Бақтыбаевты құттықтады.

Кездесу барысында ақсақал Сталинград пен Курск маңындағы қанды шайқасқа қатысқандығын баяндап берді. Красноярск қаласында тоғыз ай бойы госпиталда жатып, 1944 жылы Жамбылға оралды.

Соғыстан кейін Төлеген Мақұлұлы тарих пәнінен ұстаз болып, мектеп директоры қызметін атқарған. Алғашқы еңбек жылында болашақ жұбайы Рахимамен танысқан. Төлеген Бақтыбаев жұбайымен 5 қыз бен 6 ұл, 35 немере, 36 шөбере тәрбиелеп отыр.

Өңір басшысы ардагерге үлкен теледидар пен сыйлықтар толы себет сыйлап, Жаңа жылмен құттықтап, зор денсаулық, елімізге бейбітшілік тіледі.