Депутат О.Өксікбаев Үкіметке әр бюджеттік бағдарлама бойынша жауапты адам тағайындау туралы ұсыныс жасады
«Қолданыстағы заңнамада бюджеттік бағдарлама әкімшілерінің жауапкершілігін қарастыру керек. Тіпті асыра сілтенген бюджеттік өтінімдерді қасақана қалыптастыру фактілерін болдырмау үшін, бюджеттік өтінімдегі ақпарат пен есептер ақиқатқа сай келмесе, тіпті қылмыстық жауапкершілік болуы тиіс», - деп мәлім етті депутат.
Оның айтуынша, бюджетті қалыптастыруда әрбір жоспар үшін жауапкершілікті нақты белгілеудің маңызы үлкен.
«Басқаша айтқанда, әрбір бюджеттік бағдарлама бойынша жауапты адам немесе жетекші белгіленуі тиіс. Мұнымен қатар, нәтижеге бағдарланған бюджет іске асырылатын елдерде, бұл үрдісте талдау жасайтын маманның рөлі ерекше», - деп атап өтті депутат.
«Менің ойымша, Есеп комитетінің республикалық бюджет жобасына алдын-ала талдау жасау нормаларын енгізетін уақыты жетті. Бұл норма көрші Ресейді қоса алғанда, әлемнің көптеген елдерінде қолданылады», - деп түйіндеді О.Өксікбаев.
