БҚО-да 11 ай ішінде 201,9 мың шаршы метр тұрғын үй енгізілді

«2015 жылы тұрғын үй құрылысы мен инженерлік-коммуникациялық инфрақұрылымды қаржыландыруға 4,5 млрд теңге бөлінді, соның ішінде республикалық бюджеттен – 1,1 млрд теңге, Қазақстан Республикасының Ұлттық қорынан – 3,4 млрд теңге.Бұл қаражатқа 2015 жылы 7 көп пәтерлі тұрғын үйдің құрылысы жүргізілді», - деді Н.Ноғаев.

Оның айтуынша, жыл қорытындысы бойынша 30 мың шаршы метрден аса ауданы құрайтын 4 көп пәтерлі тұрғын үйлердің құрылысы аяқталды (486 пәтер).

««Нұрлы Жол» бағдарламасы шеңберінде мақсатты трансферт есебінен Ұлттық қордан республикалық маңызға ие «Орал-Тасқала –РФ шекарасы (Озинки)» көлік жолының құрылысы жүргізіліп жатыр. Бүгінгі таңда жөндеу жұмыстары басталып, 11 км құрылысы аяқталды», - деді ол.

Сонымен бірге, 2015 жылы облыстың көлік жолдарының күрделі және орташа жөндеу жұмыстарына 6,6 млрд теңге қаражат бөлінді.

«Шыңғырлау ауданы орталығында 17 км көлік жолы күрделі жөндеуден өтті. Жаңақала ауданы бағытындағы көлік жолдарының жөндеу жұмыстары жалғасуда, оны 2016 жылы аяқтау жоспарланып отыр (жалпы қашықтығы 37 км). «Чапаево-Жаңақала-Сайқын», «Жымпиты-Қаратөбе», «Ақсай-Шыңғырлау», «Аңқаты-Сарыөмір», «Орал-Кирсаново», Сырым ауданы Бұлдырты ауылының кіре беріс жолдарына жөндеу жүргізілді», - деді ол.

Жалпы облыстық және аудандық көлік жолдарының 116 км жөндеуден өтті. 

Анар Тәңірқұлова