О. Өксікбаев: бекітілген бюджетті бірнеше рет қайта қарау – проблемалық мәселе

9 Қараша, 2013 11:30

Еліміздің үшжылдық бюджетін қабылдау - іс жүзінде болуға тиіс артықшылықтарды бермейтін қағаз жүзіндегі құбылыс, Астанадағы брифингте ҚР Парламенті Мәжілісіндегі Қаржы және бюджет комитетінің мүшесі Омархан Өксікбаев осындай пікір айтты.

«2009 жылы біздің елімізде үшжылдық бюджет сырғымалы негізде қабылданып, жүзеге асырылады. Аталған жаңалықты енгізу мемлекеттік саясаттың бірізділігі сияқты артықшылықты беркуі керек болатын. Үшжылдық бюджет дамудың таңдап алынған бағытындағы барлық күрт өзгерістердің алдын алып, мемлекеттік органның бюджетке қатысты жұмысының көрнекі мысалын қамтамасыз етеді», - деді ол.

Мемлекетті дамытуға бөгет жасап отырған басты проблеманың бірі ретінде депутат қағаз жүзіндегі үшжылдық бюджетті, оның бірнеше мәрте түзетілуі мен нақтылануын атады. «Үшжылдық бюджет – бюджет жобаларын жасауға кететін уақыт пен басқа да шығындарды үнемдеуге жағдай жасайды. Іс жүзінде, бұл артықшылықтарға қол жеткізілген жоқ. Үшжылдық бюджетті қабылдау қағаз жүзіндегі іс, яғни бірінші жылғы бюдеттің нақтылығы мен дәлдігі және одан кейінгі екі жылғы бюджеттің индикативтілігі байқалады», - деді О. Өксікбаев.

Халық қалаулысының айтуынша, бір қаржылық жыл ішінде сол жылға арнап бекітілген бюджет бірнеше мәрте түзетулер мен нақтылауларға ұшырайды, ал бұл нағыз проблемалық мәселе.

Барлық жаңалықтар