ШҚО қалаларында тұрғындардың қысқы демалысына барлық жағдай жасалған (ФОТО)
5 Қаңтар, 2016 16:19
Өскемен және Семей қалаларында толыққанды қысқы демалыс пен қысқы спорт түрлерімен айналысуға барлық жағдай жасалған. Күн суытқалы қала тұрғындарының қуанышына орай мұз айдындары пайдалануға берілді және шаңғы жолдары ашылды, деп хабарлайды ШҚО ақпараттық орталығы.
Өскемен қаласында екі мұз айдыны жұмыс істеуде. Мұз айдынына сырғанауға күніне 5000 ға жуық адам келеді. Сонымен қатар Комсомол аралында балаларға арналған мұзды төбешіктер бар.
Семей қаласында «Цементник», «Локомотив», Орталық Мәдениет саябағының «Құрылысшы» профилдакториінде төрт мұз алаңы дайындалған.
Облыс орталығы Комендантка өзенінің сағасында және Протозанова өзенінің жағалауында 2 шаңғы алаңы салынған. Жақын арада тағы үшеуі ашылады.
Қала тұрғындарын сауықтыру мен демалысы үшін Семейде күнделікті «Тисса», спорттық олимпиадалық түрлері бойынша ЖЖСМ, Семей Мемлекеттік медицина университетінің және Шәкәрім атындағы Семей мемлекеттік университетінің 5 шаңғы орталығы жұмыс жасайды.
