БҚО-да ШОБ-пен айналысатын субъектілер саны1,6%-ға өсті
5 Қаңтар, 2016 12:06
БҚО-да ШОБ-пен айналысатын субъектілер саны1,6%-ға өсті, яғни 108 мың адамды құрап отыр, деді БҚО басшысы Нұрлан Ноғаев ҚР Президенті жанындағы ОКҚ-да.
«Елбасының тапсырмасына орай халықты жұмыспен қамту деңгейін арттыруға байланысты шағын және орта кәсіпкерліктің дамуына ерекше көңіл аударылып отыр», - деп атап өтті облыс әкімі.
Оның айтуынша, бүгінгі таңда шағын және орта кәсіпкерлік саласында қызмет етіп отырған субъектілер саны 40,7 мың бірлікті құрайды.
«Шағын және орта кәсіпкерлікпен айналысатын субъектілер санының 1,6% өсімі байқалады, яғни 108,8 мың адамды құрап отыр. Жалпы 461,9 млрд теңгеге тауар (жұмыстар мен қызмет көрсетулер) өндірілді (2015 жылдың 1 жартыжылдығы бойынша)», - деді Н.Ноғаев.
Анар Тәңірқұлова
