• Басты
  • Қазақстанда 2015 жылы 157 мектеп салынды

Қазақстанда 2015 жылы 157 мектеп салынды

5 Қаңтар, 2016 10:58
Қазақстанда 2015 жылы 157 мектеп салынып, пайдалануға берілді, деп хабарлады Білім және ғылым министрлігі.

«Балапан» бағдарламасының жүзеге асуының нәтижесінде 3-6 жас аралығындағы балаларды қамту 2,5 есеге көбейді, жеке меншік балабақшалар саны 4 есеге өсті. Мемлекеттік тапсырыстың 30 пайызы жеке секторға тиесілі, бизнес 100 миллиард теңгені балабақшаларға енгізді. 3-6 жас аралығындағы балалардың 84 пайызы мектепке дейінгі мекемеге барып жүр.

1991 жылдан бастап 1600 мектеп салынды. Үшауысымды және апатты жағдайдағы мектептер саны 2011 жылдан бастап 2015 жыл аралығында 2 есеге қысқарды.

«2015 жылы 157 мектеп салынып, пайдалануға берілді. 20 Назарбаев зияткерлік мектебі базасында қазақстандық мектептердің кезеңімен білім беру мазмұнына көңіл аудару механизмі әзірленді, ол елдің 30 пилоттық мектебінде жүзеге асырыла бастады», - делінген хабарламада.

Сондай-ақ, 2015 жылы 2011-2020 жылдарға арналған ҚР Мемлекеттік білім беру бағдарламасын дамытудың бірінші кезеңі аяқталды.                              

Биыл 157 мектеп пайдалануға берілді. Нәтижесінде үш ауысымдағы мектептердіӊ саны 20%-ға қысқарып, 80 мектепті құрайды, апатты мектептер саны екі есеге азайып, 66-ны құрайды.

Ағымдағы жылы 7,5 мыӊ мектеп 2,6 млн оқушыны қабылдады, олардыӊ ішінде 336 мыӊы - мектеп табалдырығын алғаш аттайтын бірінші сынып оқушылары.

Оған қоса, ол ағымдағы жылы 250 мектепте күрделі жөндеу жүргізілді. Бұдан өзге, мектептердіӊ 85%-дан астамы ыстық тамақтандырумен қамтылады, оныӊ ішінде тегін ыстық тамақтандырумен 436 мыӊ бала қамтамасыз етілді.

 

Барлық жаңалықтар