2015 жылдың қорытындысы: Түркістанға 1 млн турист барды

31 Желтоқсан, 2015 12:32

Ер Түріктің бесігі саналатын Түркістанда туризм саласы соңғы екі, үш жылда айтарлықтай дамып келеді. Осы жылдың өзінде киелі қалаға келіп, тарихи мекендерге зиярат етушілердің қатары миллионға жуықтады. Бұл көрсеткішті жергілікті басшылық «Батыс Қытай – Батыс Еуропа» автодәлізінің салынуымен байланыстырады, деп хабарлады ОҚО әкімдігі.

Ауыл шаруашылығы саласында да Түркістанның мерейі үстем. Сала жұмысы «Алтын күз-2015» мерекесінде бес аталым бойынша – тамшылатып суару әдісін енгізу, көкөніс өсіру, жеміс-жидек өсіру, мақта өсіру және сүт өндіруден озат аудандардың қатарына еніп, жекелеген жергілікті шаруалар да жүлделі оралды.

Шаһарда кәсіпкерлік саласы да дамып келеді. Жыл қорытындысы бойынша «Кәсіпкерлікті қолдау бойынша үздік әкімдік» аталымымен облысымыздағы аудан, қалалар арасында үшінші орын алды. Олай болатын да жөні бар. Биыл Түркістанда төрт кәсіпорын өз жұмысын бастады. Одан бөлек сүт өнімдерін өндіретін цех іске қосылды. Сондай-ақ шаһарда әлеуметтік нысандар санын арттыруға бағытталған жұмыстар да қарқынды жүргізілген. Атап айтсақ, қала аумағында биыл 2 мектеп, 4 балабақша пайдалануға берілсе, денсаулық сақтау саласында төрт ауданға қызмет көрсететін 200 төсек орындық балалар ауруханасы жұмысын бастап, спорт саласында жергілікті кәсіпкерлердің пәрменімен 10 ойын алаңшасы ашылды. Сонымен қатар, жастар орталығының ғимараты пайдалануға беріліп, 6 көшеге асфальт, ішкі орам жолдары жарықтандырылды. Электр қуатының сапасын арттыратын 2 подстанция іске қосылып, орталық жылу қазандығы, бірқатар көпқабатты үйлер күрделі жөндеуден өтті.

Қаладағы орталық «Жеңіс» саябағынан «Даңқ» мемориалы салынып, мемлекеттік-жекеменшік әріптестігі аясында «Шығыс қақпасының» лентасы қиылды. Сондай-ақ, туристерге сапалы қызмет көрсету мақсатында жеке инвестор есебінен 4 жұлдызды қонақ үйдің құрылысы басталды.

Барлық жаңалықтар