• Басты
  • ҚР ҚК-нің барлық әскери бөлімдері мен бөлімшелерінде әскери қызметшілердің балаларына арналып жаңа жылдық шырша өткізілуде
31 Желтоқсан, 2015 12:13

ҚР ҚК-нің барлық әскери бөлімдері мен бөлімшелерінде әскери қызметшілердің балаларына арналып жаңа жылдық шырша өткізілуде

Дәстүрлі түрде Жаңа жыл қарсаңында барлық гарнизондарда, Қазақстан Республикасы Қарулы Күштері Құрлық әскерлері, Әуе қорғанысы күштері және Әскери-теңіз күштерінің әскери бөлімдері мен бөлімшелерінде, өңірлік қолбасшылықтарда әскери қызметшілердің балалары үшін жаңа жылдық ертеңгіліктер өткізілуде.
ҚР ҚК-нің барлық әскери бөлімдері мен бөлімшелерінде әскери қызметшілердің балаларына арналып жаңа жылдық шырша өткізілуде

Ведомстводан хабарлағандай, мерекелік іс-шара осында жұмыс істейтін әскери қызметшілер мен өздерінің тәрбиеленушілері үшін барлық орта және жоғары әскери оқу орындарында да өткізілуде. Осы жылы Сабыр Рақымов атындағы Шымкент «Жас ұлан» әскери мектеп-интернатының тәрбиеленушілері үшін тәрбиеленушілердің ұлан ретінде алғаш рет қарсы алған бірінші кадет балы өтті.

«Мерекелік жаңа жылдық іс-шара шеңберінде әрбір бөлімше, әскери бөлім және оқу орны жергілікті шығармашылық ұжымдардың, балалар театры әртістерінің өнер көрсетуімен концерттік бағдарламалар, тәтті сыйлықтар әзірледі, мерекелік дастархан жайды, сондай-ақ мүмкіндігінше мәдени-сауықтық орталықтарға, яғни, мұражайға сапар шегу, ойын-сауық орталықтарына, мұхитаралға, театрға және т.б. тегін баруды ұйымдастырды», - делінген хабарламада.

 Жаңа жылдық шырша мен ертеңгіліктің басты мақсаты балаларға жаңа жылдық мейрам және демалыстарының жақсы өтуін ұйымдастыру болып табылатынын айта кеткен жөн. Бұл күндері Қарулы Күштерде ұландар, курсанттар, мерзімді сарбаздар, офицерлер мен келісімшарт бойынша әскери қызметшілердің отбасылары да назардан тыс қалмайды.   

Барлық жаңалықтар